Мягмар гарагт ОХУ тавдугаар сар гарснаас хойш найм дахь удаагаа Киев хот руу агаараар довтолж, 3 хүн шархаджээ. Довтолгоо шөнийн 02:15 цагийн орчимд эхэлсэн бөгөөд 02:30 минутад түгшүүрийн дохио дуугарч хоёр цаг үргэлжилсэн байна.
Үйл явдлын хүрээнд Украины засгийн газраас ард иргэдийг цонхноос хол байхыг сануулсан нь тэдний зүгээс агаарын довтолгооноос хамгаалах систем ашиглаж байсантай холбоотой юм.
Киев хотын захирагч Віталій Кличкогийн хэлснээр агаарын довтолгооноос хамгаалах систем пуужингуудыг оноход пуужингийн хог хаягдлууд төвийн дүүргүүдийн нутаг дэвсгэрт унасан бөгөөд хотын амьтны хүрээлэн дээр ч унасан гэнэ.
Киевийн Армийн удирдах төвийн тэргүүн Сергій Попкогийн тодорхойлсноор энэ удаагийн довтолгоо нь хамгийн богино хугацаанд хамгийн олон пуужин харвасан довтолгоо байсан гэсэн байна.
Урьдчилсан мэдэгдлээс үзэхэд Украины тал Оросын харвасан пуужингийн дийлэнхийг агаарт буудан унагаж чаджээ.
Эх сурвалж: BBC
