Даваа гарагт Аргентин улсын төв банкны мөнгөний бодлогын хороо хуралдаж, бодлогын хүүгээ 6 бүхэл хувиар өсгөх шийдвэр гаргажээ. Улмаар тус улсын бодлогын хүү 97 хувьд хүрсэн байна.
Төв банкнаас бодлогын хүүгээ ийн өсгөх болсон шалтгаан нь Аргентин улсад хэрэглэгчийн үнийн индекс 100 хувийг давсантай холбоотой юм.
Өдгөө Аргентин улс инфляцын түвшнээрээ дэлхийд гуравдугаарт бичигдэж байгаа бөгөөд Аргентин улсын өмнө Венесуэл, Зимбабве улсууд бичигдэж байгаа ажээ. Мөн тус улсын үндэсний мөнгөн тэмдэгт аргентин песогийн хувьд энэ он гарсаар ам.доллартой харьцах ханшийнхаа 23 хувийг алдаад байгаа юм.
Харамсалтай нь шинжээчид хэлж байгаагаар, төв банкнаас бодлогын хүүг өсгөсөн ч тус улсын зах зээлд тийм дорвитой нөлөө үзүүлэхгүй гэжээ.
Эх сурвалж: CNN
