Эрүүл мэндийн яамны харьяа Халдварт өвчийн судлалын удирдах албан тушаалтнаар ажиллаж байсан Н нь хууль бус давуу байдал бий болгосон, үндэслэлгүйгээр хөрөнгөжсөн гэх хэргийг шалгаж дуусаад шүүхэд шилжүүлэхэд бэлэн болжээ.
Тодруулбал, өнгөрсөн жилээс эхэлж АТГ-аас түүнийг шалгаж эхэлсэн. Цар тахлын үед түүнийг хандив болон бусад зүйлсийг хувьдаа шамшигдуулж, үндэслэлгүйгээр хөрөнгөжсөн байх гэдэг. Түүнийг тухайн үед саатуулан шалгаж байгаад сулласан байдаг.
Эрүүл мэндийн сайдын тушаалаар өнгөрсөн 2022 оны нэгдүгээр сард Д.Нямхүү ХӨСҮТ-ийн захирлын албан тушаалаас чөлөөлөгдсөн. Мөн түүнийг ХӨСҮТ-ийн засварын ажилд төсөвлөсөн мөнгийг шамшигдуулж, компьютер томографын аппарат ХӨСҮТ-д өндөр үнэтэй худалдсан гэх зэрэг мэдээллүүд гарч байсан юм.
