Монголын хууль хүчний байгууллагынхан нүүрсний хэргийн мөрөөр мөшгөж зургаан сая ам.долларын сэжүүрийг гаргасан гэв. “Эрдэнэс тавантолгойн” компанийн хуучин удирдлага болох Монголоос БНСУ руу “угаасан” зургаан сая ам.долларын хэрэгт “Эрдэнэс тавантолгой” компанийн гүйцэтгэх захирал асан, Б.Ганхуяг, тус компанийн Дотоод хяналт, эрсдэлийн удирдлагын газрын захирал асан Х.Нурлат тэргүүтэй хүмүүсийн нэр яригдаж байна гэнэ.
БНСУ РУУ ШИЛЖҮҮЛСЭН ЗУРГААН САЯ АМ.ДОЛЛАРЫН “ЭЗЭН” НЬ Б.ГАНХУЯГ, Х.НУРЛАТ ГЭЖ ЗАРЛАВ
Хуулийн байгууллагын мөрдөгчид нүүрсний хулгайн мөнгө хил дамнаж шилжүүлэгдсэнийг илрүүлж. БНСУ руу “угаагдаж” шилжигдсэн гэх зургаан сая ам.долларыг “Эрдэнэс тавантолгой” компанийн гүйцэтгэх захирал асан, Б.Ганхуяг, тус компанийн Дотоод хяналт, эрсдэлийн удирдлагын газрын захирал асан Х.Нурлат нарын хүмүүс гаргасан байж болзошгүй гэв.
Б.ГАНХУЯГ, Х.НУРЛАТ ТЭРГҮҮТЭЙ ХҮМҮҮС “ТАВАНТОЛГОЙ ТҮЛШ” ХХК-ИЙН АШИГ БОЛОХ ЗУРГААН САЯ АМ.ДОЛЛАРЫГ БНСУ РУУ ГАРГАСАН УУ
Тэгвэл Б.Ганхуяг, Х.Нурлат нарын БНСУ руу шилжүүлсэн байж болзошгүй зургаан сая ам.доллар нь “Тавантолгой түлш” ХХК-аас гарсан гэх ноцтой мэдээлэл байна. Өөрөөр хэлбэл, Б.Ганхуяг төрийн өмчит “Тавантолгой түлш” ХХК-аас нүүрсний мөнгийг гаргуулж, “Эрдэнэс тавантолгой” компаниар дамжуулж мөнгө угаасан байж болзошгүй сэжүүрийн үзүүрээс мөрдөгчид атгаад авчээ.
Дээрх хоёр хүн дээр нэмэгдээд "Таван толгой түлш" ХХК-ийн гүйцэтгэх захирал асан М.Ганбаатарыг ч мөн шалгахаар болжээ. Уг компанийн хуучин удирдлагуудын асуудал дундрашгүй их, хууль хүчнийхэнд тэдгээрийг шалгах ажил мөн мундахгүй их болох нь.
Эх сурвалж: Ergelt.mn
