Тайвань АНУ-аас зэвсэг худалдан авч байгаа тул Хятадын Ардын чөлөөлөх арми балдааны бэлтгэлээ эрчимжүүлнэ. Энэ тухай Хятадын Батлан хамгаалах яамны албан ёсны төлөөлөгч Тан Кефэй мэдэгдсэнийг ТАСС агентлаг уламжлав.
“ХАЧА дайнд бэлтгэхийн тулд цэргийн бэлтгэлээ эрчимжүүлсээр байна. Тайваний тусгаар тогтнолын хөдөлгөөн гэгдэх салан тусгаарлагчдын төлөвлөгөө, хөндлөнгийн хүчний оролцох гэсэн оролдлогыг бид шийдэмгий дарна” гэж тэрээр Тайбэйд 500 сая долларын зэвсэг нийлүүлэх гэсэн Вашингтоны санаархалыг тайлбарлав.
Тан Кефэй арлын эрх баригч Ардчилсан дэвшлийн нам арлыг эх газрын Хятадаас тусгаарлах оролдлого нь ноцтой байдал руу хөтөлнө гэж анхааруулав. Тэрээр Тайваний асуудал Бээжин, Вашингтоны харилцаанд улаан шугам болж байгааг онцолжээ.
Өмнө нь Тайваний Батлан хамгаалахын сайд Цю Гуожэн хэлэхдээ, Тайвань дөрвөн сарын турш АНУ-тай 500 сая ам.долларын зэвсэг нийлүүлэх талаар хэлэлцээ хийж байна.
Тус яамны 5-р сарын 4-нд мэдэгдсэнээр, АНУ-аас F-16V сөнөөгч онгоцыг нийлүүлэх хугацаа хойшилсон гэжээ. 2023 оны сүүлийн улиралд 66 онгоц илгээхээр төлөвлөж байсан ч одоо тэднийг шилжүүлэх ажлыг 2024 оны. гуравдугаар улирал хүртэл хойшлуулсан байна.
Эх сурвалж: Лента.ру
