Ням гарагт БНТУ-д ерөнхийлөгчийн сонгууль зохион байгуулагдсан билээ. Тэгвэл сонгуулийн хүрээнд даваа гарагт Туркийн төрийн өмчит TRT сувгаас мэдээлснээр саналын 99.86 хувийг тоолж дуусахад ерөнхийлөгч Эрдоган 49.34 хувийн санал цуглуулсан байна. Харин сөрөг хүчний нэр дэвшигч Кемал Киличдароглу 44.99 хувийн санал цуглуулсан байна.
Сонгуулийн дүнгээр одоогийн ерөнхийлөгч Эрдоган болон түүний гол өрсөлдөгч Киличдароглу нарын саналын зөрүү ердөө 4.5 хувьтай байжээ.
Гэсэн хэдий ч нэр дэвшигчид эхний үед 50 хувь давсан санал авч байж сонгуульд ялалт байгуулагдсанд тооцогдох юм. Эс бөгөөс сонгуулийг тавдугаар сарын 28-ы өдөр дахин зохион байгуулах билээ.
Үйл явдлын хүрээнд ТАСС мэдээллийн агентлагаас мэдээлснээр ерөнхийлөгчийн сонгуульд нийт 53 сая хүн саналаа өгсөн гэнэ.
Эх сурвалж: ТАСС
