Пүрэв гарагт тэрбумтан Илон Маск Твиттер компани шинэ гүйцэтгэх захиралтай болж байгааг мэдэгджээ. Энэ талаар тэрээр өөрийн Твиттер хуудаснаа нийтэлсэн байна.
Түүний зүгээс шинэ гүйцэтгэх захирал хэн болох тухай тодорхой мэдээлэл өгөөгүй ч “Тэр эмэгтэй 6 долоо хоногийн дараагаас ажилдаа орно” гэж мэдэгдсэн юм. Харин Илон Маскийн хувьд шинэ гүйцэтгэх захирал ажлаа хүлээн авсан хойно Твиттерийн Технологийн албаны даргаар ажиллах ажээ.
Тийнхүү Илон Маскийн мэдэгдлийн дараагаар Тесла компанийн хувьцааны үнэлгээ өссөн байна. Учир нь хөрөнгө оруулагчдын зүгээс Илон Маскийг Твиттерийг худалдан авсны дараагаар Теслаг орхигдуулж байна хэмээн дүгнэж байсан юм.
Эх сурвалж: BBC
