Сонирхогчдын боксын эмэгтэйчүүдийн Дэлхийн аварга шалгаруулах тэмцээн Туркийн Стамбул хотод эхэлсэн билээ. ДАШТ-ий рингэнд Монголын есөн боксёр өрсөлдөж байгаа бөгөөд баг тамирчдынхаа салхийг хагалж 48 кг-ын жинд “Хангарьд” спорт клубийн тамирчин, спортын мастер Жанчивын Нямсүрэн эхний тулаанаа хийн Непалийн Сусма Тамангийг 3:2-оор ялсан юм. Тэгвэл өчигдөр 3 тамирчин рингэнд хүч үзэж 52 кг-д Лутсайханы Алтанцэцэг Хайти улмын тамирчин К.Стерлингийг 5:0 харьцаагаар, 57 кг-д Монхорын Намуун эзэн орны тамирчинг 3:0 харьцаагаар сөхрүүлснээр эхний ялалтаа авлаа. Харин 63 кг-д өрсөлдсөн У.Шинэцэцэг Туркын Гизем Озерт ялагджээ.
