уркийн парламент болон Ерөнхийлөгчийн сонгуулийн санал хураалт өчигдөр орой дуусч, санал авах байрууд хаалгаа барьжээ.
Гадаадад амьдарч байгаа иргэдтэйгээ нийлээд нийт 64 сая орчим хүн сонгуульд саналаа өгөх эрхтэй байсан бөгөөд Туркийн одоогийн төрийн тэргүүн Режеп Тайип Эрдоганы хувьд дахин сонгогдох бүрэн итгэлгүй байгаа юм. Урьдчилсан санал асуулгаар тэрээр сөрөг хүчний удирдагч Кемал Кылычдароглутай бараг тэнцүү санал авсан байдаг. Хэдийгээр Эрдоган ялагдлаа хүлээн зөвшөөрөхгүй байх вий гэх болгоомжлол сөрөг хүчинд байгаа ч тавдугаар сарын 12-нд одоогийн Ерөнхийлөгч "сонгуулийн дүн ямар ч гарсан би хүлээн зөвшөөрөх болно" хэмээн мэдэгдсэн юм.
Эрдоганы өрсөлдөгч Кылычдароглу
Эрдоганы өрсөлдөгч, 74 настай Кемал Кылычдароглу зургаан намаас бүрдсэн сөрөг хүчний эвслээс нэр дэвшжээ. Тэрээр Туркийг парламентын засаглалд эргүүлэн оруулж, Төв банк зэрэг төрийн байгууллагуудын бие даасан байдлыг сэргээж, инфляцыг хазаарлана гээд Герман болон Европын холбоотой дахин ойртохыг уриалж, цагаачлалын бодлогыг чангатгахыг дэмжиж байгаа юм.
Хэрэв Эрдоган ч, Кылычдароглу ч 50-иас дээш хувийн санал авч чадахгүй бол тавдугаар сарын 28-нд Туркт Ерөнхийлөгчийн хоёр дахь шатны сонгууль болно.
