Хятадын Ханжоу хотод ирэх 9 дүгээр сард болох Азийн наадамд Хойд Солонгос 200 хүний бүрэлдэхүүнтэй багаар оролцохоор төлөвлөж байгаа тухай Японы "Күодо ньюс" агентлаг мэдээлэв. Хойд Солонгосын тамирчид гурван жил олон улсын тэмцээнд оролцоогүй юм.
Японы ANN сувгаас мөн Хятадын Ханжоугийн Азийн наадамд оролцохоор БНАСАУ тамирчдаа бүртгүүлсэн бөгөөд эмэгтэй хөгжөөн дэмжигч багаа илгээх талаар мэдээлсэн. Хойд Солонгос нь хөл бөмбөг, усанд сэлэлт зэрэг төрөлд өндөр амжилт гаргадаг.
Тус улс 2020 оноос хойш "Ковид-19"-ийн халдвар тархахаас урьдчилан сэргийлэхийн тулд хилээ хаах шийдвэр гаргаж, өнөөдрийг хүртэл зөөлрүүлсэн талаар мэдээлэл хийгээгүй.
Тиймээс Ханжоугийн Азийн наадмын өмнө хилийн зорчих хязгаарлалтыг зөөлрүүлж магадгүй гэж хэвлэлүүд мэдээлсэн байна.
Хамгийн сүүлд өнгөрсөн сарын 28-30-нд БНХАУ-ын Тайжоу хотод болсон каратэгийн Зүүн Азийн аварга шалгаруулах тэмцээнд Умард Солонгосын хоёр тамирчин оролцсон байна
Эх сурвалж: MBC
