Нью-Йорк хотын зөвлөлөөс хүмүүсийг биеийн жингээр ялгаварлан гадуурхахыг хориглосон хуулийг баталжээ. Судалгаагаар насанд хүрсэн америкчуудын 40 гаруй хувь нь таргалалттай бөгөөд олон нийтийн дунд нэгнээ биеийн жингээр нь гадуурхах үзэгдэл газар авчээ. Улмаар энэ төрлийн гадуурхал нь хүмүүсийн, нэн ялангуяа эмэгтэйчүүдийн хөдөлмөрийн хөлсөнд ч нөлөөлж эхэлсэн байна.
Нью-Йорк хотын зөвлөлийн гишүүн Шаун Абреун "жингээс үүдэлтэй гадуурхал бол хүмүүсийн чимээгүйхэн үүрдэг ачаа" гэсэн юм. Учир нь, Шаун Абреу хөл хорионы үеэр 18 килограмм жин нэмэхдээ хүмүүсийн хандлага өөрчлөгддөг болохыг мэдэрсэн аж.
Нью-Йорк хотын хүний эрхийн тухай хууль ялгаварлан гадуурхахыг нийт 27 шинж чанар дээр үндэслэн хориглосон заалттай бол биеийн жингээр ялгаварлахыг хориглосноор тус хууль 28 шинж чанар дээр үндэслэх болов.
Эх сурвалж: BBC
