Умард Солонгосын талаар мэдээлдэг Америкийн 38 North мэдээллийн агентлаг “Хиймэл дагуулын зураг болон Умард Солонгосын хэвлэл мэдээллийн хэрэгслийн мэдээллээс Умард Солонгосын томоохон фермүүдэд нарны эрчим хүчийг түгээмэл ашиглах болсон нь ажиглагдаж байна” хэмээн онцлон мэдээлжээ.
Түүнчлэн тус улсын аж үйлдвэрийн байгууламжууд ч халуун ус гаргах зорилгоор нарны эрчим хүчийг өргөнөөр ашиглаж байна.
Умард Солонгосын хувьд эрчим хүчний үйлдвэрлэл нь усан цахилгаан станцаас ихээхэн хамааралтай байдаг бөгөөд байнгын хомсдолд ордог учраас нарны эрчим хүчний үйлдвэрлэлийг хөгжүүлэх ажлыг эрчимжүүлэх болжээ.
Сүүлийн жилүүдэд нарны эрчим хүчний байгууламжуудыг хооронд нь холбох замаар илүүдэл эрчим хүчийг нэг газраас нөгөөд шилжүүлэх тал дээр анхаарч байгаа хэмээн 38 North агентлаг дурджээ.
