Лхагва гарагийн орой АНУ-ын ерөнхийлөгч асан Доналд Трамп CNN сувгийн Town Hall гэх хөтөлбөрт оролцжээ. Хөтөлбөрийн үеэр тэр Украин дахь мөргөлдөөнийг шийдвэрлэхээр ОХУ-ын ерөнхийлөгч Владимир Путин болон Украины ерөнхийлөгч Володимир Зеленський нартай уулзахаа мэдэгдсэн байна.
Түүний хэлснээр, “Би ялах, ялагдах талаар бодохгүй байгаа. Би ердөө л асуудлыг шийдвэрлэх тухай бодож байгаа. Тэгж байж л бид энэ их хүний аминд хүрэхийг зогсоож чадна.
Хэрэв би ерөнхийлөгч байсан бол энэ асуудлыг 24 цагийн дотор л шийдвэрлэх байсан.
Оросуудыг ч тэр, украинчуудыг ч тэр, би тэднийг үхэхээ болиосой гэж хүсэж байна. Тиймээс би үүнийг 24 цагийн дотор л хийх болно.
Миний хувьд Путин бол маш ухаалаг нэгэн. Гэвч цэргийн тусгай ажиллагааг эхлүүлснээрээ тэр алдаа гаргасан.
Одоо бол Путинг дайны гэмт хэрэгтэн гэж үзэх цаг нь биш. Хэрэв түүнийг дайны гэмт хэрэгтэн гэвэл энэ бүхнийг зогсоох тохиролцоонд хүрэхэд бүр л хэцүү болно. Энэ талаар дараа хэлэлцэх хэрэгтэй” гэжээ.
Эх сурвалж: ТАСС
