Пүрэв гарагт Миланы төв дүүргийн нэгэнд дэлбэрэлт болж, хэд хэдэн машин шатсан тухай Sky TG24 телевиз мэдээлэв. Дэлбэрэлт орон нутгийн цагаар 11:30 цагийн орчимд Алтан медалийн талбай дахь Ромын хаалганы ойролцоо болсон байна.
Түүний хэлснээр ослын газрын дээгүүр хар утаа гарч, гал сөнөөгчид ослын газарт иржээ. Одоогоор хүний амь нас хохирсон талаар мэдээлэл гараагүй байна. Барилгын эсрэг талд сургууль шатаж байгааг тус телевиз тэмдэглэжээ. Тэнд байсан хүүхдүүдийг нүүлгэн шилжүүлсэн гэж Sky TG24 мэдээллээ.
Эхний таамаглалаар гудамжинд хийн баллонтой фургон машин дэлбэрсэн байж магадгүй байна.
Дор хаяж дөрвөн хүн шархадсан гэж Corriere della Sera бичжээ. Гэрчүүдийн хэлснээр хүчилтөрөгчийн сав бүхий фургоноос гал гарсан байна.
Мөн гудамжинд байрлуулсан дөрвөн машин, ойролцоох эмийн сан, орон сууцны барилга түймэрт автсан байна. Гэлэнмаа нарын сургууль болон зарим барилгыг нүүлгэн шилжүүлсэн байна.
Эх сурвалж: ИТАР ТАСС
