
-Их Британи Украинд хэд хэдэн "Storm Shadow" далавчит пуужинг хандивласан байна-
Их Британи өмнө нь Украинд алсын тусгалтай зэвсэг нийлүүлнэ гэж мэдэгдэж байсан бөгөөд энэ хүрээнд “Storm Shadow” пуужингуудыг нийлүүлж байна. Энэ нь Оросын арми иргэний үндэсний дэд бүтцэд санаатайгаар халдсаны хариу үйлдэл гэдгийг Их Британийн засгийн газар тодорхой хэлсэн” гэж барууны албаны хүн CNN-д ярьжээ.
"Storm Shadow" бол Их Британи, Францын хамтран бүтээсэн алсын тусгалтай далавчит пуужин бөгөөд ихэвчлэн агаараас харвадаг. 250 гаруй км буюу 155 милийн тусгалтай юм. Энэ нь Украины удаан хугацааны турш хүсч байсан АНУ-ын армийн "газар-газар" ангиллын пуужингийн систем буюу 185 милийн тусгалтай АТАКМС-тай бараг дүйцэх юм.
Одоогийн байдлаар АНУ-аас Украинд өгч буй зэвсгийн дээд тал нь 49 миль орчим тусгалтай байна гэж CNN мэдээлэв.
Хамгийн чухал нь "Storm Shadow" нь Украины зүүн хэсэгт Оросын эзэмшилд байгаа нутаг дэвсгэрт гүн цохилт өгөхөд хангалттай боломжтой.
Барууны нэгэн албан тушаалтан CNN-д хэлэхдээ, Их Британи Украины засгийн газраас пуужингуудыг Оросын нутаг дэвсгэрт ашиглахгүй, зөвхөн тусгаар тогтносон Украины нутаг дэвсгэрт ашиглах баталгааг авсан. Их Британийн албаны хүмүүс Крым бол Украины тусгаар тогтносон газар нутаг гэж олон нийтэд мэдэгдэж, "хууль бусаар нэгтгэсэн" гэж тайлбарладаг юм.
Эх сурвалж: Сentralasiamedia.