Сөрөг довтолгоонд бэлтгэхэд Украинд илүү хугацаа хэрэгтэй байна. Манай Зэвсэгт хүчин барууны зэвсгийн нийлүүлэлтийг хүлээж байна гэж ерөнхийлөгч Владимир Зеленский ярилцлагадаа мэдэгдэв.
Түүний хэлснээр, Украины армийн НАТО-гийн зэвсэгт хүчнийхэнтэй хамтран сургуулилалт хийсэн байлдааны ангиуд бүрэн бэлтгэлтэй байгаа ч командлал ахин хэд хэдэн нийлүүлэлт, тухайлбал хуягт машинуудыг ирэхийг хүлээж байна.
"Бид байгаа зэвсэглэлээрээ довтолж чадна, гэхдээ энэ тохиолдолд хүн хүчний хохирол маш их байх болно. Энэ нь хүлээн зөвшөөрч болох зүйл огтхон ч биш. Тиймээс бид хүлээх хэрэгтэй байна. Гэхдээ бидэнд үүний тулд тийм ч их цаг хугацаа хэрэгтэй биш" гэж тэр хэвлэлийнхэнд ярьжээ.
Сөрөг довтолгооны төлөвлөсөн үр дүнгийн талаар
Зеленскийн хэлснээр, Орос одоогоор мөргөлдөөний нөхцөл байдлыг царцаасан байдалд шилжүүлэхийг эсэргүүцэхгүй байгаа ч Украин үүнийг зөвшөөрч чадахгүй. Иймээс сөрөг довтолгооны амжилт маш чухал байна.
Украины Зэвсэгт хүчний ирээдүйн сөрөг цохилтын байршлыг нууцалж байна. Харин Оросын арми зүүн талаараа Донецк, Луганскаас өмнө зүгт Херсон, Запорожье хүртэлх 1450 километрийн зайд хамгаалалтын байрлалаа бэхжүүлж байна.
Энэ бүхэнтэй холбоотойгоор сүүлийн долоо хоногт Украины эрх баригчид удаан хугацааны турш яригдаж буй сөрөг довтолгоо хийх олон нийтийн хүлээлтийг саармагжуулахыг хичээж байгаа юм. .
Энэ хооронд ихэнх шинжээчид Киев болгоомжтой хандаж байгаа ч сөрөг довтолгоо нь дайны эргэлтийн цэг болж магадгүй гэж үзэж байна. Энэ нь хэдэн сарын турш өөрчлөгдөөгүй фронтын шугамыг өөрчлөх магадлалтай.
Эх сурвалж: ВВС
