![](http://hardnews.mn/wp-content/uploads/2023/05/хүүхдийн-сан-1024x1024.jpg)
Цахим хөгжил, харилцаа холбооны сайд Н.Учрал "Шил ажиллагаа"-ны хүрээнд shilen.gov.mn сайтад нээлттэй, тод байршсан мэдээллийн талаар танилцууллаа.
"Гуравдугаар 27-нд иргэдэд хойш нийтийн мэдээллийн нэгдсэн талбар shilen.gov.mn системийг танилцуулснаас хойш 1,472,558 удаагийн хандалт бүртгэгдэж, 57,123 мөр өгөгдөл мэдээллийн санд ил тод байршуулаад байна. Хоёр долоо хоногийн хугацаанд ХНХЯ-ны дөрвөн санг мэдээллийг ирүүлэх шаардлагыг хүргүүлсэн. Хоёр сангийн мэдээлэл бүрэн бүтэн байдлыг хангаагүй. Тиймээс бүрэн бүтэн байдлыг хангуулахаар ажиллаж байна. Өнөөдрийн байдлаар Нийгмийн халамжийн сан, Хүүхдийн сан, Соёл урлагийг дэмжих сан, Авто замын сангийн мэдээллийг ил болгож байна" гэлээ.
НИЙГМИЙН ХАЛАМЖИЙН САН: Давхардсан тоогоор 21.6 сая иргэнд 7.5 их наяд төгрөгийн халамж олгожээ
2008 оноос хойш давхардсан тоогоор 21.6 сая иргэнд 14 төрлийн 7.5 их наяд төгрөгийн халамж олгосон байна.
Өнгөрсөн онд давхардсан тоогоор 1.3 сая иргэнд 515.6 тэрбум төгрөг зарцуулжээ. Халамжийн 14 төрлөөс 3 нь буюу хөгжлийн бэрхшээлтэй иргэн, ахмад настанд тусламж, үйлчилгээ үзүүлдэг 969 хуулийн этгээдэд олгосон санхүүгийн мэдээлэл ил боллоо.
![](https://mgl.gogo.mn/newsn/images/ck/2023/05/08/niigmiin_halamjiin_san-143629-6458648.jpeg)
ХҮҮХДИЙН ТӨЛӨӨ САН: 11 тэрбум төгрөг төвлөрчээ
Санд авто машины азын дугаар дуудлагаар борлуулсны орлого 9 тэрбум, Хүүхдийн төлөө фондын 2 тэрбум төгрөг төвлөрчээ. Хүүхдийн төлөө санд 2021-2023 онд 4 төрлийн 11 тэрбумын орлого бүрдүүлснээс 45 хүүхдэд 106.7 сая төгрөг зарцуулсан байна. Тээврийн хэрэгслийн сонирхол татахуйц улсын бүртгэлийн дугаар борлуулсны орлого сангийн орлогын дийлэнх хувийг эзэлдэг.
Зарцуулалтыг задалбал:
- Тив, дэлхийн тэмцээнд амжилт гаргасан 30 хүүхдэд 81,700,00
- Олон улсын олимпиадад амжилт гаргасан 15 хүүхдийг урамшуулахад 25,000,000 төгрөг зарцуулжээ.
![](https://mgl.gogo.mn/newsn/images/ck/2023/05/08/huuhdiin_tuluu_san1-151224-784019723.jpeg)
![](https://mgl.gogo.mn/newsn/images/ck/2023/05/08/huuhdiin_tuluu_san-143919-1990008294.jpeg)
УЛСЫН АВТО ЗАМЫН САН: 2008 оноос хойших 231.1 тэрбум төгрөгийн зарцуулалтын мэдээлэл ил болов
Улсын авто замын сангаас 2008 оноос хойш 106 хуулийн этгээд санхүүжилт авчээ. Цаашид Нийслэл, орон нутгийн чанартай авто замын сангийн 2008 оноос хойш мэдээллийг ил болгохоор ажиллаж байна.
Улсын авто замын сангаас санхүүжилт аваад хэрхэн ү ашигтай зарцуулж байгаад иргэд, хэвлэл мэдээллийнхэн хяналт тавих боломжтой.
СОЁЛ, УРЛАГИЙГ ДЭМЖИХ САН: 73 төсөлд 2,8 тэрбум төгрөг зарцуулсан байна
2021 оноос үйл ажиллагаа нь эхэлсэн, жил тутамдаа 1.5 тэрбум төгрөгийн санхүүжилттэй сан юм. Соёл, урлагийн сан эргэн төлөгддөггүй онцлогтой.
- 2021 оны 1.6 тэрбум,
- 2022 оны 1.2 тэрбум, нийт 2.8 тэрбум төгрөгийн зарцуулалтын мэдээлэл ил болж байна. Соёл, урлагийг дэмжих сангаас 58 хуулийн этгээд, 15 иргэн, нийт 73 санхүүжилт авчээ.
![](https://mgl.gogo.mn/newsn/images/ck/2023/05/08/soyol_urlagiig_demjih_san-143934-937488510.jpeg)
ШИЛЭН ИНДЕКС: Ил тод байдлын дундаж үнэлгээ өссөн байна.
Төрийн захиргааны төв байгууллагуудаас ЗТХЯ 100 хувьтай тэргүүлж байна. Яамдын дундаж үзүүлэлт 85.8 хувиас 92 хувь болж өслөө.
Төрийн захиргааны байгууллагуудын дундаж үзүүлэлт 2023.04.24-ний өдрийн байдлаар 53.2 хувь байсан бол 65.41 хувь болж, 12.2 хувиар өссөн байна. Татварын ерөнхий газар, Ашигт малтмал, газрын тосны газар, Эрүүл мэндийн даатгалын ерөнхий газар ил тод байдлын үнэлгээгээр тэргүүлсээр байгаа юм.
Нутгийн захиргааны байгууллагуудын дундаж үзүүлэлт 2023.04.24-ний байдлаар 46.3 хувь байснаасаа 54.41 хувьд хүрч, 8.1 хувиар өссөн байна. Орхон, Хэнтий аймгууд 90-ээс дээш хувийн үзүүлэлттэй байгаа бол Архангай аймаг 31.6 хувь байна.
Дүүргүүдийн хувьд дундаж үзүүлэлт сүүлийн 2 долоо хоногийн хугацаанд ердөө 0.5 хувь буюу нэн бага хэмжээгээр өслөө. Багануур дүүрэг бусдыгаа 76.05 хувиар тэргүүлж, Сүхбаатар сүүл мушгисан хэвээр байна.https://platform.twitter.com/widgets/tweet_button.2b2d73daf636805223fb11d48f3e94f7.en.html#dnt=false&id=twitter-widget-0&lang=en&original_referer=https%3A%2F%2Fgogo.mn%2Fr%2F516o9&size=l&text=%D0%A5%D2%AF%D2%AF%D1%85%D0%B4%D0%B8%D0%B9%D0%BD%20%D1%82%D3%A9%D0%BB%D3%A9%D3%A9%20%D1%81%D0%B0%D0%BD%D0%B4%2011%20%D1%82%D1%8D%D1%80%D0%B1%D1%83%D0%BC%20%D1%82%D3%A9%D0%B3%D1%80%D3%A9%D0%B3%20%D1%82%D3%A9%D0%B2%D0%BB%D3%A9%D1%80%D1%87%2C%2045%20%D1%85%D2%AF%D2%AF%D1%85%D0%B4%D1%8D%D0%B4%20106%20%D1%81%D0%B0%D1%8F%20%D1%82%D3%A9%D0%B3%D1%80%D3%A9%D0%B3%20%D0%B7%D0%B0%D1%80%D1%86%D1%83%D1%83%D0%BB%D0%B6%D1%8D%D1%8D&time=1683530115820&type=share&url=https%3A%2F%2Fgogo.mn%2Fr%2F516o9https://www.facebook.com/v3.3/plugins/like.php?action=like&app_id=269289457116917&channel=https%3A%2F%2Fstaticxx.facebook.com%2Fx%2Fconnect%2Fxd_arbiter%2F%3Fversion%3D46%23cb%3Df207515a20dfd48%26domain%3Dgogo.mn%26is_canvas%3Dfalse%26origin%3Dhttps%253A%252F%252Fgogo.mn%252Ff269440d50e5ad%26relation%3Dparent.parent&container_width=0&href=https%3A%2F%2Fgogo.mn%2Fr%2F516o9&layout=button_count&locale=en_US&sdk=joey&share=true&size=large&width=