![](http://hardnews.mn/wp-content/uploads/2023/05/батдөлл-1024x1024.jpg)
УБТЗ-ын хэлтсийн дарга асан С.Батдөлд авсан цагдан хорих таслан сэргийлэх арга хэмжээг нэг сараар цагдан хорьсон байна. Тодруулбал, Нийслэлийн Прокурорын газрын хяналтын прокуророос яллагдагч С.Батдөлд авсан “цагдан хорих” таслан сэргийлэх арга хэмжээний хугацаа сунгуулах тухай санал ирүүлсэн. Баянгол дүүргийн Эрүүгийн хэргийн анхан шатны шүүх 2023 оны 05 дугаар сарын 08-ны өдөр тус саналыг хянан хэлэлцээд Эрүүгийн хэрэг хянан шийдвэрлэх тухай хуулийн 14.10 дугаар зүйлийн 2 дахь хэсэгт “Хэргийн ээдрээ төвөгтэй байдлыг харгалзан яллагдагчийг цаашид цагдан хорих.....” гэсэн заалтыг үндэслэн яллагдагч С.Батдөлд авсан “цагдан хорих” таслан сэргийлэх арга хэмжээний хугацааг 1 сараар сунгаж шийдвэрлэжээ.Түүнийг албан тушаал эрх мэдлээ ашиглаж, бусдаас их хэмжээний авлига авсан байж болзошгүй хэргээр цагдан хоригдсон. Тодруулбал, түүний гэрээс болон бусад газраас 7.3 тэрбум төгрөг олдож, хураагдсан байгаа юм.