Гурван настай хүү хойд эцэгтээ зодуулж хүн бэртсэн хэрэг өнгөрсөн сарын 8-ны өдөр гарч, олон нийтийн анхаарлыг татаад байгаа билээ. Өдгөө төрсөн эцэг нь хүүгээ авч Турк улсад эмчлүүлж байгаа бөгөөд саяхан гурав дахь хагалгаагаа амжилттай давсан, гэсэн ч биеийн байдал нь муудсан гэсэн мэдээлэл гараад буй. Тэгвэл хүүгийн төрсөн эхийг яллагдагчаар татах саналыг хэргийг мөрдөн шалгасан Баянгол дүүргийн цагдаагийн газраас хүргүүлсэн байсныг Прокурорын байгууллага татгалзаж шийдвэрлэжээ.
