Өнгөрсөн амралтын өдрүүдэд ОХУ-ын шилдэг уран гулгагчид “МӨСНИЙ УРЛАГ”-ийн гайхамшгийг монголд түмэнд харуулав. Улс төржсөн харанхуй мэдээллээс салж, урлагийн сайхныг мэдэрсэн манай ард иргэд ч ам уралдан уран гулгалтын сайхныг шагшин магтаж байна.
Харин энэ үеэр хоёр улсын төлөөллүүдийн хооронд болсон зарим яриа анхаарал татаж байна. Ойрын эх сурвалжын мэдээлж буйгаар ОХУ-ын зарим уран гулгагчид Монгол Улсын нэрийн өмнөөс тив дэлхийн, цаашлаад 2026 оны өвлийн олимпт оролцох эсэх асуудал яригджээ.
Геополитикийн нөхцөл байдлаас үүдэн ОХУ-ын тамирчид тив, дэлхийн спортын тэмцээнд оролцох боломжгүй нөхцөл үүсээд байгааг бид өмнө өмнө нь мэдээлж байсан.
Гэхдээ хоёр талын уулзалтаар энэ асуудлын хүрээнд тодорхой шийдэлд хүрээгүй гэх мэдээлэл байна.
