Баасан гарагт Adidas брэнд Кание Уэстээс болж одоог хүртэл хохирол амсаж, нэн ялангуяа тус брэндийн Хойд Америк дахь салбар бүр ихээр хохирч буйг хүлээн зөвшөөрчээ.
Adidas брэндийн хувьд Кание Уэсттэй хамтран Yeezy брэндийг эзэмшиж байсан ч өнгөрөгч оны сүүлээр реппер өөрийн Твиттер хуудаснаа еврейчүүдийг эсэргүүцсэн үзэл бүхий сэтгэгдэл нийтэлснээс үүдэн тэд хамтрахаа больсон юм.
Тэдний мэдэгдсэнээр Кание Уэсттэй холбоотой хохирол нийт 400 сая ам.доллароор хэмжигдэж байгаа гэсэн бөгөөд 2023 оны нэгдүгээр улирлын нийт орлого нь 1 хувиар буурсан гэжээ. Харин тэдний Хойд Америк дахь борлуулалт 20 хувиар буурсан нь бүхэлдээ Yeezy брэндтэй холбоотой гэсэн байна.
Үйл явдлын хүрээнд Adidas брэндэд хөрөнгө оруулсан хүмүүс тэднийг шүүхэд өгсөн бөгөөд хөрөнгө оруулагчдын мэдэгдсэнээр Adidas Кание Уэстийн асуудал дагуулсан зан авирын тухай мэдэж байсан ч зохих арга хэмжээг аваагүйн улмаас нөхцөл байдал энэ хэмжээнд хүрсэн хэмээн буруутгасан юм.
Эх сурвалж: BBC
