"Вагнер"-ийн цэргүүд 5-р сарын 10-нд Бахмутаас гарч, ОХУ-ын Батлан хамгаалах яамны нэгжүүдэд үүрэг тушаалаа шилжүүлнэ гэж хувийн цэрэгжсэн байгууллагыг үүүсгэн байгуулагч Евгений Пригожин Жанжин штабын дарга Валерий Герасимов, Батлан хамгаалахын сайд Сергей Шойгуд болон Ерөнхийлөгч Владимир Путин, түүнчлэн Оросын ард түмэнд хандан гаргасан мэдэгдэлдээ дурджээ. Энэхүү мэдэгдлийг бизнесмэний хэвлэлийн алба Telegram дээр нийтэлжээ.
“2023 оны 5-р сарын 10-ны өдөр бид Бахмут хот дахь үүрэг, албан тушаалуудаа Батлан хамгаалах яамны ангиудад шилжүүлж, "Вагнер"-аас үлдсэн үлдэгдлийн шархыг нь эмчилж эдгээхийн тулд ар тал руу татахаас өөр аргагүйд хүрч байна. Би Вагнерын ангиудыг Бахмутаас татан авч байна, учир нь сум хэрэглэл байхгүй тохиолдолд тэнд үлдэх нь утгагүй, үхэлд хүргэхээс өөр зам үгүй болно "гэж дурджээ.
Түүний хэлснээр, "Бахмутын ажиллагаа нь дайсны асар их хүчийг өөр тийш нь чиглүүлж, Оросын армид ашигтай хамгаалалтын шугамыг авч, довтолгоогоо үргэлжлүүлэх боломжийг олгосон" гэжээ.
Пригожинийн хэвлэлийн алба мөн түүний видео мессежийг ийтэлжээ. Үүнд тэрээр өөрийн цэргүүд хэрэгцээт сумныхаа дөнгөж 30-аас илүүгүй хувийг хүлээн авсан гэжээ "Тиймээс бидний алдагдал байх ёстой хэмжээнээс хамаагүй өндөр байсан ч бид урагшилсаар байгаа" гэжээ.
Түүний хэлснээр одоо түүний мэдрийн анги бүэглэл сум хэрэглэлийнхээ хэрэгцээний 10% -иас илүүгүйг авдаг. "Зэвсэг, сум хэрэгслэлгүйгээр Бахмутыг хамгаална гэдэг нь ямар ч боломжгүй. Үүнийг миний залуус тэсвэрлэхгүй. Тиймээс 5-р сарын 10-аас эхлэн бид Бахмут хотоос гарч байна" гэдгээ захидалдаа онцолсон байна.
Пригожин хэлэхдээ, анхны төлөвлөгөөний дагуу Вагнер нь 5-р сарын 9 гэхэд хотыг авах ёстой байв. Түүний хэлснээр одоо ЧВК-ийн дайчид Бахмутын 45 км/кв талбай бүхийн газар нутгаас 2 км/кв талбайг эзлэн авах ёстой аж. Хэдийгээр хотын Пригожины тооцоолсноор хотын 90%-ийг авсан гэж ттооцоолж байгаа ч сум зэвсэглэл байхгүй, ЧВК-ийн дайчид их хэмжээний хохирол амссан тул цаашид тулааныг үргэлжлүүлэхгүй.
"Би Жанжин штабын даргаас Бахмут суурингийн байрлалыг Батлан хамгаалах яамны ангиудад шилжүүлэх тухай байлдааны тушаалд гарын үсэг зурж, бидний байрлалыг хэдийнээс эхлэн шилжүүлэн авахыг тодорхой болгож өгөхиийг хүсч байна" гэж Пригожин хэлэв.
Эх сурвалж: Сentralasiamedia.
