Манай улс Европын комиссын Эрүүл мэнд, хүнсний хяналт, шинжилгээ, удирдлагын газрын эрсдэлийн үнэлгээнд хамрагдаад буй. Ингэснээр ЕХ-ны гишүүн орнууд руу боловсруулсан богийн өлөн гэдэсний экспорт хийх нөхцөл бүрдэж байна. Мал, амьтан, тэдгээрийн гаралтай хүнсний бүтээгдэхүүний гол асуудал нь малын эмийн үлдэгдэл байдаг.
Түүнчлэн мал, амьтны өсөлтийн, бусад төрлийн даавар, бүх төрлийн антибиотик, хүнд металл, цацраг идэвхт бодис, хлор, фосфор, азот агуулсан химийн бодис, ургамлын хөнөөлт хортон шавж ба мал, амьтны шимэгчдийн эсрэг хэрэглэж байгаа бэлдмэлүүд, пестицидийн үлдэгдлийг хянах үндэсний төлөвлөгөөг боловсруулан батлуулжээ. Үүнийг мэдэгдсэнээр Европын комиссын Эрүүл мэнд, хүнсний хяналт, шинжилгээ, удирдлагын газрын F1, F4 гэсэн хоёр шаттай эрсдэлийн үнэлгээнд хамрагдах боломжтой болох юм. Цаашлаад малын гаралтай хүнсний бусад нэр төрлийн бүтээгдэхүүнийг ЕХ-ны гишүүн орнууд руу экспортлох таатай нөхцөл бүрдэж байна.
Share
Tweet
Share
Share
