"No Naadam", "No double standart" хөдөлгөөнийг зохион байгуулсан Б.Билгүүн, Л.Ганхөлөг нараас “шүүхийн шийтгэх тогтоолд заасан хаяг болох Баянзүрх болон Баянгол дүүргийн нутаг дэвсгэрт амьдрахаа больсон, Сүхбаатар дүүрэгт оршин суух болсон” тул зорчих бүсийг Сүхбаатар дүүргийн нутаг дэвсгэрт өөрчлөн тогтоолгох хүсэлтийг гаргажээ.
Баянзүрх дүүргийн прокурор шүүхийн шийдвэр гүйцэтгэх байгууллагаас ирүүлсэн дээрх хүсэлт бүхий баримт материалыг хянахад гэр бүлийн байдалд нь ямар өөрчлөлт орсны улмаас шүүхээс тогтоосон газар амьдрах боломжгүй болсон, шилжин амьдрах болсон газартаа ямар шаардлагаар амьдрах болсон зэргийг нотлох баримт ирүүлээгүй байсан. Иймд нэмж тодруулахаар энэ сарын 2-ны өдөр Нийслэлийн шүүхийн шийдвэр гүйцэтгэх газарт буцаасан байна.
Тус газраас шийдвэр гаргахад шаардлагатай материалуудыг нэмж бүрдүүлэн, дахин санал гаргаж ирүүлснийг прокуророос хянаад, Л.Ганхөлөгийн зорчих эрхийг хязгаарлах ялыг Сүхбаатар дүүргийн нутаг дэвсгэрээс гарахыг хориглож эдлүүлэхээр өөрчилж шийдвэрлэв.
Харин Б.Билгүүнд холбогдох материалыг прокурор хянаж байна. Хуульд заасан хугацаанд шийдвэрлэнэ.
Эх сурвалж: УЕПГ
