Баянхонгор аймгийн Бууцагаан сумын Баянбүрд дөрөвдүгээр багийн малчин эмэгтэй Ч.Цэгмид Улаанбаатар хот хүртэл 790 км замд холын зайн гүйлт хийхээр өчигдөр /2022.05.10/ Хавтгай улааны арын хондны хаваржаанаасаа гараандаа гарчээ.
Хөнгөн атлетикийн спортын мастер зэрэгтэй ахмад тамирчин, дөрвөн хүүхдийн ээж, малчин эмэгтэй Ч.Цэгмид нь монголын малчдаа төлөөлөн анх удаа холын зайд гүйхээр шийдвэр гаргасан ба бүтэн сар гаруйн хугацаанд бэлтгэл сургуулилтыг хангасан байна. Тэрээр өдөрт 30 км гүйснээр 06-р сарын 04-ний өдөр улсын нийслэл Улаанбаатар хот, Сүхбаатарын талбайд очихоор тооцоолсон байна.
