Өнгөрсөн өдрүүдэд хийгдсэн хяналт шалгалтын хүрээнд Богдхан уулын Арцатын аманд ашиглалтын талбай хэтрүүлэн хашаа барьж, нийтийн эзэмшлийн гудамж, зам талбайг хааж үйл ажиллагаа явуулж байсан "Марал аялал"ХХК, "Соргог байгаль" ХХК, "Үжин ресурс" ХХК тус тус зөрчлөө арилган нийтийн эзэмшлийн зам талбайг чөлөөлсөн тайлангаа Хамгаалалтын захиргаанд ирүүлээд байна.
Тус орц гарц зам талбай нээгдсэнээр Хан-Уул дүүргийн 23-р хороо, Арцатын амнаас - Наадамчдын төв замруу нийлэх боломжтой юм. Мөн тусгай хамгаалаллтай газарт үйл ажиллагаа явуулахдаа холбогдох хууль, тогтоомж зөрчих, газар ашиглах гэрээнд заасан нийтлэг үүргээ биелүүлээгүй иргэн, аж ахуй нэгж, байгууллагуудад хатуу арга хэмжээ авч ажиллаж байгааг анхааруулж байна.
