Мягмар гарагтт ОХУ-ын Батлан хамгаалахын сайд Сергей Шойгу ОХУ-ын Зэвсэгт хүчний удирдлагуудтайгаа хуралджээ. Энэ Бага хулын үеэр сайд Украины тусгай ажиллагааны тухай болон цэрэг дайчдын зэвсгийн хангалт, орчин үеийн зэвсгийн үйлдвэрлэл гэхчлэн салбарын олон асуудлыг хэлэлцжээ. Сайд энэ үеэр мөн Ураины зэвсэгт хүчний хохиролын талаар тоо баримт дурджээ. Бага хурлын үеэрх сайдын мэдээллээс товчлон хүргэж байна.
ОХУ-ын Зэвсэгт хүчин хангалттай хэмжээний сумыг энэ онд хүлээн авсан
Ер нь цэрэг-аж үйлдвэрийн цогцолбор нь арми, флотын хэрэгцээг хангадаг. Гэсэн хэдий ч цаг хугацаандаа захиалгыг хангах шаардлагатай байна. Аж ахуйн нэгжүүд үүргээ биелүүлэхгүй байх эрсдэл байгаа учир үүнийг засч залруулах арга хэмжээг цаг алдалгүй авах ёстой" гэж сайд хэллээ.
Хамгийн сүүлийн үеийн зэвсгийг бөөнөөр үйлдвэрлэж эхэлсэн
"Тактикийн пуужингийн зэвсэглэл" корпораци (КТРВ) хамгийн сүүлийн үеийн хэд хэдэн төрлийн зэвсгийн хөгжүүлэлтийг богино хугацаанд хийж, бүх үе шатыг дуусган үйлдвэрлэлд шилжүүлсэн гэж ОХУ-ын Батлан хамгаалахын сайд Сергей Шойгу мөн хурлын үеэр мэдэгдэв.
"Тухайн корпораци нь цэргийн тусгай ажиллагааны бүсэд шаардлагатай нисэх болон тэнгисийн цэргийн олон төрлийн зэвсгийг нийлүүлдэг бөгөөд тэдгээрийн ихэнх нь ижил төстэй зүйлгүй. Корпораци сүүлийн үеийн зарим шинэ төрлийн зэвсгийн хөгжүүлэлтийг богино хугацаанд амжилттай дуусгаж улмаар бөөнөөр үйлдвэрлэж эхлээд байна гэж Шойгу хэлэв.
Тусгай ажиллагаанд оролцож буй цэргийн бүлэглэлд нийлүүлэх зэвсэглэлийг нэмэгдүүлнэ
Тусгай ажиллагаанд оролцож буй Оросын цэргийн бүлэглэлүүдэд нийлүүлэх зэвсэг, цэргийн хэрэгслийн үйлдвэрлэлийг нэмэгдүүлэх шаардлагатай арга хэмжээг авсан гэдгийг сайд Сергей Шойгу тодотгов.
Тэрээр хэлэхдээ "Тусгай ажиллагааны үеэр Оросын цэргийн бүлэглэлийн үйл ажиллагаа нь зэвсэг, цэргийн техник хэрэгслийн нөөцийг цаг тухайд нь нөхөхөөс ихээхэн хамаардаг. Тус улсын удирдлага батлан хамгаалахын аж үйлдвэрлэлийн хурд, хэмжээг нэмэгдүүлэх зорилт тавьсан. Энэ хүрээнд богино хугацаанд, шаардлагатай үйл ажиллагааны арга хэмжээг авсан" гэж хэллээ.
Оросын зэвсэгт хүчин Украины Зэвсэгт хүчний 8 онгоц, 400 гаруй танкийг устгасан
ОХУ-ын Зэвсэгт хүчний удирдлагатай хийсэн бага хурлын үеэр БХ-ын сайд С.Шойгу "Манай Зэвсэгт хүчин өнгөрсөн сард Украины Зэвсэгт хүчний 8 онгоц, 300 орчим нисгэгчгүй онгоц, 400 гаруй танк болон бусад хуягт техникийг устгасан байна" гэж мэдэгдэв.
Сайд “Манай цэргийн алба хаагчид 8 нисэх онгоц, 277 нисгэгчгүй нисэх төхөөрөмж, 430 танк болон бусад байлдааны хуягт машин, олон төрлийн пуужингийн системтэй байлдааны 18 машин, 225 хээрийн их буу, миномётыг устгасан” гэж илүү тодотгов .
Шойгу мөн Оросын Зэвсэгт хүчин "Украины зэвсэгт хүчний хэрэгцээнд барууны орнуудаас нийлүүлсэн зэвсгийг устгасаар байгаа" гэж онцолжээ.
Украины зэвсэгт хүчин энэ сард 15 мянга гаруй хүн хүчний хохирол амссан байна
Украины Зэвсэгт хүчин сүүлийн нэг сарын хугацаанд 15 мянга гаруй цэрэг дайчдаа алджээ гэж Сергей Шойгу мөн хурлын үеэр мэдэгдэв.
"Оросын зэвсэгт хүчин байлдааны бүх шугамын дагуу идэвхтэй үйл ажиллагаа явуулж байна. Өрнөдийн орнууд Украинд урьд хожид байгаагүй цэргийн тусламж үзүүлж байгаа ч дайсан ихээхэн хохирол амсаж байна. Зөвхөн сүүлийн нэг сарын хугацаанд тэд 15 мянга гаруй хүнээ алджээ" гэв.
Эх сурвалж: ИТАР-ТАСС
