4-р сарын 29-ний өглөө үүрээр Севастополь хотын Казачя булангийн бичил дүүрэгт шатахууны савнууд шатаж, 1 мянган хавтгай дөрвөлжин метр талбайг ил задгай галд өртжээ. Энэ явдалтай холбоотой гол гол мэдээллийг ТАСС цуглуулжээ.
Юу болов
Севастополийн амбан захирагч Михаил Развожаев Казачья булангийн бичил дүүрэгт шатахууны сав шатсан гэж мэдэгджээ. Урьдчилсан мэдээллээр галын шалтгаан нь хоёр нисгэгчгүй онгоц буюу дрон түлшний савыг мөргөсөнтэй холбоотой гэв. Хожим нь зөвхөн нэг дрон шатахууны агуулах руу дайрсан, хоёр дахь дроныг Хар тэнгисийн флотынхон буудаж унагасан гэж тодотгов.
Развожаевын хэлснээр дроноор дайрах үеэр дөрвөн танк галд бараг шатсан, бусад танкуудыг тусгаарласан байна.
Галын улмаас хэн нэгэн бэртэж гэмтээгүй, мөн иргэний объектуудад аюул учруулаагүй гэж хотын захирагчийн хэвлэлийн албанаас мэдэгдэв.
Ослын газарт ОХУ-ын Онцгой байдлын яамны 107 албан хаагч, 34 техник хэрэгсэл ажиллаж байна.
Эх сурвалжийн мэдээлснээр танкийн паркийн нутаг дэвсгэрт тэсрэх бодис байгаа эсэхийг шалгах аж.
Мөн Роспотребнадзорын ажилтнууд агаар дахь хортой бодисын зөвшөөрөгдөх дээд хэмжээг хэмжиж эхлэв.
Бүсийн захирагчийн хэлснээр, энэхүү онц байдал нь хотыг шатахуунаар хангах нөхцөл байдалд нөлөөлөхгүй гэжээ.
Эрх баригчдын хариу үйлдэл
Севастополийн Холбооны Зөвлөлийн гишүүн Екатерина Алтабаева Украины Севастополь руу дайрсан нь тус хотод үймээн самуун үүсгэхгүй гэж үзэж байна.
Холбооны Зөвлөлийн Үндсэн хуулийн хууль тогтоомж, төрийн байгуулалтын хорооны гишүүн Ольга Ковитиди хэлэхдээ, болсон үйл явдалд хатуу хариу арга хэмжээ авах шаардлагатай байна гэжээ.
Эх сурвалж: ИТАР ТАСС
