Баасан гарагт ОХУ Украины хэд хэдэн хот руу агаараас довтолж, 12 гэмгүй иргэний аминд хүрчээ.
Албаныхны мэдээлснээр агаарын довтолгоо Украины Умань хотын төв хэсэгт туссан бөгөөд тус хот дахь нэгэн орон сууцны барилгыг онож, 10 хүн амиа алдсан байна.
Амь хохирсон хүмүүсийн дунд нэг эмэгтэй 3 настай охиныхоо хамтаар үрэгджээ.
Үйл явдлын хүрээнд Украины ерөнхийлөгч Володимир Зеленськийн хэлснээр Оросын баасан гарагийн довтолгоо бол тус улсын эсрэг олон улс илүү өргөн, илүү чанга арга хэмжээ авах хэрэгтэйг баталсан гэсэн юм. Түүний хэлснээр, “Муу ёрын чөтгөрийг зэр зэвсгээр дарж болно. Манай цэргүүд үүнийг л хийж байна. Мөн түүнийг хоригийн арга хэмжээгээр зогсоож болно. Олон улсын зүгээс хоригийн арга хэмжээгээ чангатгах хэрэгтэй” гэжээ.
Эх сурвалж: BBC
