"Эрдэнэс Тавантолгой" ХК-ийн ТУЗ хуралдаж байна. ТУЗ-ийн дарга, Засгийн газрын хэрэг эрхлэх газрын тэргүүн дарга Б.Ганбат хурлын үеэр ногдол ашиг тараах асуудлаар мэдээлэл өглөө. Тэрбээр, ""Эрдэнэс Тавантолгой" ХК-д Засгийн газраас онцгой дэглэм тогтоосон хугацаа энэ дөрөвдүгээр сард дууссан ч нөхцөл байдлаас шалтгаалан дахин зургаан сараар сунгагдсан байгаа. Энэ хугацаа энэ оны аравдугаар сард дуусгавар болно. Үүний дараа ногдол ашиг тараах асуудал болон шинээр мэндэлсэн иргэдэд 1072 хувьцааг хэрхэн эзэмшүүлэх вэ гэдэг асуудлыг хэлэлцэнэ. Татварын дараах цэвэр ашгийн дүнгээр "Эрдэнэс Тавантолгой" ХК нэг их наяд 304 тэрбум, 500 сая төгрөгийн ашигтай ажилласан байна" гэлээ.
