Жил бүрийн 4 сарын 28-ыг үндэсний супер баатрын өдөр болгон тэмдэглэдэг.
Ингээд супер баатруудын тухай:1. Үндэсний супер баатрын өдрийг 1995 онд Марвел Комикс анх санаачлан супер баатруудын тухай болон супер баатруудын нийгэм, соёлд үзүүлэх нөлөөг онцлох зорилгоор Марвелын ажилтнууд тааралдсан хүүхдүүдээс ямар хүч чадалтай болохыг хүсч байгааг нь асууж, тэдний амьдралд байдаг жинхэнэ баатрууд хэн бэ? гэдгийг нь яриулж тэмдэглэсэн нь өдгөө уламжлал болон тогтохдоо хүн өөрөө супер баатар болох боломжийг давхар олгодог болжээ. Хүүхдүүдийн хариулт нь хайртай супер баатар шигээ нисэх эсвэл орон зай, цаг хугацаанд шилжих байсан бол нийгмийн бодит баатрууд нь бусдын эрүүл мэнд, аюулгүй байдлыг өөрөөсөө дээгүүрт тавьдаг түргэний эмч, эмнэлгийн ажилтнууд, эмч, сувилагч дараа нь бусад хүмүүс байжээ.
2. Хамгийн анхны алдартай комик ном 1869 оны “Обадиа Олдбакын адал явдал” гэдэг ном. Номын түүх болон зургийг Швейцарын уран бүтээлч Родольф Топффер бүтээж, Нью Йоркын “Brother Jonathon” сэтгүүл орчуулан нийтэлж байв. Харин хамгийн анхны супер хүчтэй баатар бол Америкийн хүүхэлдэйн зураач Ли Фолкын бүтээж, 1936 оны 2 сарын 17-нд өөрийн сонинд нийтэлсэн “The Phantom” гэдэг супер баатар. Анхных атлаа бусад супер баатраас ялгаатай нь “The Phantom” ямар ч супер хүчгүй боловч муу хүчний эсрэг өөрийн хүч чадал, оюун ухаан, үхэшгүй мөнхийн байдалдаа найдан Кит Уолкер бусдад танигдахгүйн тулд баг зүүж, нил ягаан өнгийн хувцас өмсөн тэмцдэг.
Дараагийн супер баатар бол 1938 оны 7 сард “мэндэлсэн” супермен, харин анхны супер эмэгтэй баатар бол 1940 оны “Jungle Comics #2 зохиолд гардаг Fantomah юм. Фантома асар их хүч чадалтайгаас гадна өөрийгөө аймшгийн цэнхэр хий үзэгдэл, эсвэл араг яс болгон хувиргаж чаддаг аж. 3. Комик номнууд супер хүчтэй баатруудтай болоод удаагүй байхад 1939 онд “ Илбэчин Мадрейк”, 1940 онд “Сүүдэр”, 1941 онд “Ахмад Марвелын адал явдал”, “Бетман” 1943, “Ахмад Америк” 1944, “Супермен” 1948 гээд ар араасаа кинонууд гарсан. Бидний комик ном, кинонуудаас олж хардаг супер баатрууд ихэвчлэн бодит, түүхэн хүмүүсээс сэдэвлэн бүтээжээ.
Жишээлбэл Суперменыг Херкулесээс, Бэтменыг Сүүдэр гэдэг зохиолоос санаа авч бүтээсэн бол Дэлхийн 2-р дайны үед ард түмний эх оронч сэтгэлийг сэргээж, нацистуудын эсрэг тэмцлийн бэлгэдэг болгон Ахмад Америкийг бүтээсэн. Супер баатруудыг дотор нь God/Goddess - бурханлаг, Gadget User - элдэв хэрэгсэл, зэвсэг, технологоор супер хүчээ нөхөгч, Speedster – супер хурдтай, Magic User – илбэ шид ашиглагч, Power House – Хүчтэн, Shapeshifter – хэлбэр, хэмжээгээ хүссэнээрээ өөрчлөгч, Supernatural буюу ер бусын хүчтэн гэж ангилдаг. Өдгөө 70,000 гаруй супер баатрын дүр байгаа гэнэ.
4. Тэгвэл супер баатар амьдралд ямар хэрэгтэй гэж? Хүүхдийн төсөөлөх чадварыг нэмж, хамгийн ичимхий хүүхдийг ч зөгнөх, төсөөлөх чадвартай болгож, асуудал, зөрчилдөөнийг шийдвэрлэх, сайн мууг ялгаж сурахад, муу муухайгаас сэргийлж, сайхан зүйл байдаг гэдэг найдвар төрүүлдэг. Зөвхөн хүүхдүүдэд ч бус томчуудад ч адил нөлөөтэй. Супер баатруудыг итгэл найдвар, шударга ёсны бэлгэдэл болгон ашигладаг. Олон супер баатрууд шударга бус байдал, дарангуйллын эсрэг тэмцэж, сул дорой хүмүүсийн төлөө зогсдог шүү дээ.
5. Бүх цаг үеийн хамгийн алдартай супер баатруудын тоонд Супермэн, Бэтмэн, Хүн аалз, Гайхамшигт эмэгтэй, Өшөө авагчид багтдаг. Бүх цаг үеийн хамгийн өндөр орлого олсон супер баатрын кинонуудын дунд Avengers: Endgame, Avatar, The Dark Knight зэрэг кино багтжээ. Бидний мэддэг супер баатруудын тухай зарим сонирхолтой тоон мэдээлэл хүргэе. Бэтмен буюу Брюс Уэны IQ 192, Daredevil 6 метрын цаанаас хүний зүрхний цохилтыг мэдэрч чадна, Iron Man нийтдээ 50 өмсгөлтэй, Торын жин нь 290 кг гэнэ.
