Иргэн Э.Одбаярыг шүүхээс гарч ирмэгц, масктай танхай этгээдүүд "Бид Халхын Голын баатруудын өшөөг авч байна" гэх мэтээр биенд халдсан хэргийг цагдаагийн байгууллага шалгаж буй юм. Эл асуудлыг Засгийн газар, Ерөнхий сайдын даалгавраар хийсэн гэх бичлэг, эвлүүлгүүд ч сошиалаар цацагдаж буйтай холбоотойгоор Х.Нямбаатар сайд өөрийн цахим хуудсандаа, "Бусдын эрхэнд халдсан масктай этгээдийг цагдаагийн байгууллага шалгаж байгаа юм байна. Одоо тэгээд гудамжинд заамдалцсан ямаан омогтуудыг бүгдийг Засгийн газартай наах нь бас туйлшрал юм даа." хэмээн нийтэлжээ.
