УБТЗ-ын Тээвэр зохион байгуулалтын албаны орлогч дарга С.Батдөлийн гэр болон түүний хамаарал бүхий этгээдүүдийн гэрээс 7.3 тэрбум төгрөгийг хураан авч, түүнийг одоогоор цагдан хорьсон байгаа. Учир нь түүнийг албан тушаалаа урвуулан ашиглаж их хэмжээний мөнгө завшсан гэх хэргээр яллагдагчаар татаж хуулийн байгууллага шалгаж мөрдөн байцаах ажиллагааг явуулж буй. Харин түүний оронд өөр хүн томилогдсон талаарх мэдээлэл байна. Тодруулбал, УБТЗ-ын орлогч дарга Д.Амарбаясгалан өөрийнхөө туслахыг томилсон гэх мэдээлэл байгаа юм.
Харин өнөөдөр Монголын төмөр замчдын үйлдвэрчний эвлэлийн холбооноос 16 мянган төмөр замчдаа төлөөлж мэдээлэл хийлээ. Тус холбооны дарга Б.Баяраагийн хэлснээр орлогч дарга Д.Амарбаясгаланг хуулийн байгууллагаас шалгахгүй байгаад гайхаж эргэлзэж байна гэлээ. Яагаад гэвэл хоригдож буй С.Батдөл өөртэй нь холбоотой мөнгөө тайлбарлаж мэдүүлэг өгөхдөө "Миний дээр ажиллаж байгаа эмэгтэйтэй холбоотой шүү" гэдгээ илт хэлсэн мэдүүлсэн байхад хуулийн байгууллага өнөөдрийг хүртэл чимээгүй, шалгахгүй байгаад эргэлзэж байна гэв. Энэ хүн ажил хариуцаж байгаа хүн. Хүү нь доор нь чингэлэг хариуцаад сууж байгаа. Тиймээс энэ хүнтэй эрүүгийн хариуцлага ярихгүй хүлээлгэхгүй юмаа гэхэд ажлын хариуцлага хүлээлгээчээ. Тэгэхгүй бол энэ асуудлыг ярьсан хүмүүст тойруу замаар дарамт шахалт ирсэн байна билээ. Намайг ч хоёр удаа АТГ-аас дуудсан. Магадгүй намайг залхаах гэж байж мэднэ. Гэхдээ хэн ч хэвлэл мэдээллийн хэрэгслээр үгээ хэлэх, үзэл бодлоо илэрхийлэх эрхтэй шүү гэв.
Лайвчин Д.Мөнх-Эрдэнэ нь хорионоос түр гарч ирээд байхдаа хажуу камерт хоригдож байсан С.Батдөлийн дамжуулсан үгийг олон нийтэд шүгэлдсэн байдал нь зайлшгүй анхаарал татах, шалгах шаардлага үүссэнийг нотолсон.
Цагдан хоригдож буй С.Батдөл Д.Мөнх-Эрдэнэд хандаж "Ахаа та гараад лайв хийгээрэй. Хоёр тэрбум төгрөг нь миний үндсэн мөнгө. Үлдсэн нь Улаанбаатар төмөр замын миний дээр ажилладаг эмэгтэй дарга хамааралтай шүү" гэж өөрийн амаараа хэлжээ. Энэ мэдээллээс харахад Улаанбаатар төмөр замын С.Батдөлтэй нэг албанд ажилладаг, түүний дээрх дарга нь гэвэл УБТЗ-ын Хөдөлгөөн хариуцсан замын орлогч дарга Д.Амарбаясгалан болох нь илт болсон. Гэвч нөгөө дарга нь энэ хэрэгт огт хамааралгүй, мэдэхгүй гэж арьсаа хамгаалсан ярилцлага өгсөн байсан . Нүүрсний гэх хэрэгт ямар ч хамааралгүй. Бид ийм хэмжээний мөнгө хадгалах боломжгүй гэж мэдээлэл өгч, өөрийгөө өмөөрсөн Д.Амарбаясгалан даргыг хуулийн байгуулагынхан шалгаад үзэхэд гэмгүй болов уу. Гэхдээ АТГ-ын дарга З.Дашдаваатай ойр буюу эгч нь гэсэн мэдээлэл бий. Ийм байхаар шалгахгүй болов уу. Шалгуулахгүй, шалгаад ч ямар нэгэн зүйлийг гаргахгүй байх гэдэгтээ бат итгэж даам суусан дарга эмэгтэйд хэн хариуцлага хүлээлгэж, даацтай даруулга өгөх вэ.