Говьсүмбэр аймгийн Сүмбэр сумын 3 дугаар багийн нутаг дэвсгэрт байрлах тамхины бөөний төвд хулгай орж 20 гаруй сая төгрөгийн тамхи хулгайд алдагдсан хэргийг тус аймаг дахь цагдаагийн хэлтсийн алба хаагчид илрүүлжээ. Уг хэрэгт Баян-өлгий аймагт оршин суудаг Б, Ж, Ж нарыг холбогдуулан мөрдөн шалгах ажиллагааг үргэлжлүүлж байна.
Энэ хэрэгтэй холбогдуулан иргэдийг өөрийн орон байр болон хувийн өмчдөө найдвартай хаалга цоож, цонхны хаалт хийж, дохиолол камерын систем байрлуулах, хөршийн хяналтын холбоогоо сайжруулж хулгайн гэмт хэргээс урьдчилан сэргийлэхийг цагдаагийн байгууллагаас зөвлөлөө.
