Засгийн газраас жил бүхэн гадаадаас авах ажиллах хүчний хязгаарыг тогтоодог. Энэ жил 20.3 мянган ажиллах хүчин гаднаас авахаар тогтоожээ.
Ингэхдээ гадаад ажилтны ажлын байрны төлбөр гэж авдаг бөгөөд нэг ажлын байран дээр хөдөлмөрийн хөлсний доод хэмжээг хоёр дахин үржүүлсэн хэмжээтэйгээр авдаг байна. Гэхдээ уул уурхай болон газрын тосны салбарын ажилтнуудаас бусад салбарт хөнгөлөлт үзүүлдэг юм байна.
ХНХ-ын дэд сайд С.Зулпхараар “Гадаадаас ажиллах хүчин авах харилцааг Ажиллах хүчний шилжилт хөдөлгөөний тухай хуулиар зохицуулдаг. Хуульд зааснаар гадаадаас ажиллах хүчин авахдаа уул уурхай болон газрын тосны салбарын ажилтнуудыг авахдаа хураамжаас чөлөөлөхгүй. Бусад салбарыг хөнгөлж болно гэж заасан. Аж ахуйн нэгжүүд хуульд заасан салбарын ажиллах хүчин авах бол хөнгөлүүлэх нь нээлттэй. Энэ жил үүнийг хялбаршуулж, илүү хялбар болгосон. Манай Хөдөлмөр халамж үйлчилгээний ерөнхий газар руу хандаад зөвшөөрлөө аваад хөнгөлүүлж болно” гэсэн юм.