Засгийн газрын ээлжит хуралдаанаар Куба, Япон, БНСУ, Канад улсад суух элчин сайд нарыг томилсон. Үүнтэй холбоотойгоор эгүүлэн татаж байгаа Элчин сайд нарын нэрсийг Ерөнхий сайдын Хэвлэлийн төлөөлөгч Ч.Болортуяа зарлалаа. Тэрбээр, "Монгол Улсаас Канад улсад суух Элчин сайд Я.Ариунболд, Монгол Улсаас Япон улсад суух Элчин сайд Д.Батжаргал, Монгол Улсаас Куба улсад суух Элчин сайд Ш.Батцэцэг, Монгол Улсаас Иран улсад суух Элчин сайд О.Дамбийням нарын томилолтын хугацаа нь дуусаж байгаа тул эгүүлэн татах шийдвэрийг гаргасан бол Элчин сайд Э.Сарантогосыг ажлын шаардлагаар сэлгэн ажиллуулах шийдвэр гарсан" гэлээ.
Т.СОЁЛ