Намууд бодлого дэвшүүлж сонгуульд оролцдог, сонгуулиар засаг төрөө эмхлэн байгуулдаг ардчилсан парламентын засаглалд эргэлт буцалтгүй шилжсэн нь яахын аргагүй том ололт. Энэ ололт амжилтаа улам бататган, сайжруулахад улс төрийн намын санхүүжилтын ил тод байдал, улс төрийн намын шинэчлэлийг цаг алдалгүй хийх шаардлагатай байна. Нам эрүүл бол төр эрүүл, төр эрүүл бол улс орны хөгжил зөв замаараа явна.“Бүгдээрээ хэлэлцвэл буруугүй” гэх ардын сайхан үг бий. Тийм ч учраас улс төрийн 36 намын төлөөлөл өнөөдөр цугларч, хуулийн төслүүдэд санал бодлоо илэрхийлэн ярилцаж байна.
