Монгол Улсын Засгийн газраас хэрэгжүүлж буй "Шувуу" ажиллагааны хүрээнд авлига албан тушаалын хэрэгт холбогдон шалгагдаж байгаад гаднын улс оронд орогнож байсан Т.Бадамжунай, Ж.Төгсбаяр, П.Болортуяа, Б.Баттулга нар эх орондоо ирэн шалгуулж байна .
Тэдний араас "Шувуу" ажиллагааны хүрээнд Ерөнхий сайд асан Ч.Сайханбилэг, Тавантолгой төмөр зам компанийн гүйцэтгэх захирал Н.Удаанжаргал нарын байршлыг тогтоож, эх оронд нь авчрахаар хууль хүчнийхэн ажиллаж буй. Ч.Сайханбилэгийг АНУ-д орогнож байгаа гэх мэдээлэл гарсан бол Н.Удаанжаргалын хувьд Аргентин, Тайланд, Малайз зэрэг улс орныг дамжин орогнож байгаа гэх мэдээлэл эх сурвалжаас өгч буй. Тэгвэл Н.Удаанжаргалд Монголоос мэдээлэл очиж байгаа учраас улс дамжин зугатаж, ажиллагааг удаашруулж буй нь тодорхой болжээ. Тиймээс Монголоос мэдээлэл хүргэж буй эх сурвалжийг олж тогтоох ажиллагаа эхэлсэн гэнэ.
