ОХУ-ын Ерөнхийлөгчийн сонгууль 2024 онд болно. Түүний бэлтгэл ажил хийгдэж эхэлнэ гэж ОХУ-ын тэргүүний хэвлэлийн нарийн бичгийн дарга Дмитрий Песков мэдэгдэв.
“Аливаа сонгууль, тэр дундаа төрийн тэргүүний сонгууль бол туйлын чухал. Ерөнхийлөгч жил бүрийн илгээлтээрээ Холбооны Ассемблэйд хандан удахгүй болох орон нутгийн болон ерөнхийлөгчийн сонгуулийн аль аль нь чухал ач холбогдолтой болохыг илэрхийлсэн. Тиймээс сонгууль болдогоороо болно ”гэж Песков хэлэв.
Ирэх есдүгээр сард болох орон нутгийн болон бүс нутгийн сонгууль, 2024 оны Ерөнхийлөгчийн сонгуулийг хуулийн хүрээнд хариуцлагатай явуулна гэж Путин хоёрдугаар сард хэлсэн үгэндээ дурджээ.
Үүний зэрэгцээ, дэлхийн нөхцөл байдлын хүрээнд ОХУ-ын Ерөнхийлөгчийн сонгуульд дарамт шахалт үзүүлэх, хөндлөнгөөс оролцох оролдлого хэд дахин нэмэгдэнэ гэж Песков тэмдэглэв.
Эх сурвалж: Сentralasia media.
