НҮБ-ын хүн ам зүйн судалгаагаар Энэтхэг Хятадыг давж дэлхийн хамгийн их хүн амтай улс боллоо. Энэ нь дэлхийн хүн амыг тоолж эхэлснээс хойш гарсан хамгийн том өөрчлөлт гэж судлаачид үзэж байна.
Хүн амын төрөлт, нас баралтыг хэмждэг тооллогоор Энэтхэгийн хүн ам 1,425,775,850 (Нэг тэрбум 425 сая 775 мянга 850) болж анх удаа БНХАУ-ыг давжээ.
Түүнчлэн дэлхийн хүн амын тооллогыг хийж эхэлсэн 1950 оноос хойш анх удаа Хятад нэгдүгээр байраас бууж байгаа нь энэ юм. Тус улсын 1980 оноос хэрэгжүүлж эхэлсэн нэг гэр бүл нэг хүүхэдтэй байх журам ийнхүү хүн амын өсөлт буурахад хүргэсэн.
Хүн амын хэт өсөлтийг бууруулах арга нь үр дүнгээ өгсөн ч ажиллах хүчин хомстох, хүн амын дундаж нас нэмэгдэх зэрэг сөрөг нөлөө мөн гарсан. Түүнчлэн эрэгтэй хүүхэдтэй болох хүсэлтэй гэр бүлийн уламжлалын улмаас жендэрийн тэгш байдал алдагдсан байна.
Шинжээчдийн үзэж буйгаар Хятад улсын хүн амын тоо 21-р зуун дуусахад нэг саяар цөөрөх төлөвтэй.
Харин Энэтхэгийн хүн ам 1950 оноос хойш тасралтгүй өсөж байгаа бөгөөд 2064 он гэхэд 1.7 тэрбум хүрэх магадлалтай. Тус улсад одоогоор өдөрт 86 мянган хүүхэд шинээр төрдөг нь Хятадтай харьцуулахад 1.5 дахин их юм.
Эх сурвалж: TheGuardian
