Даваа гарагт ОХУ-ын Гадаад хэргийн яамны хэвлэлийн төлөөлөгч Мария Захарова Гадаад хэргийн сайд Сергей Лавров Нью Йорк хотноо хүрснийг мэдээлжээ.
Энэ талаар тэрээр өөрийн Телеграм хуудаснаа бичсэн бөгөөд түүний нийтэлснээр, “Сергей Лавров Нью Йорк хотноо хүрчээ. Маргааш болох НҮБ-ын Аюулгүйн Зөвлөлийн уулзалтыг тэр даргалах юм” гэсэн байна.
Үүнээс гадна хатагтай Захаровагийн мэдэгдсэнээр Flightradar платформыг ашиглан Сергей Лавровын нислэгийг нэг дор хамгийн ихдээ 700,000 гаруй хүн ажигласан бөгөөд нийт 3,000,000 орчим хүн түүний нислэгийг явцыг хянасан нь бараг л дээд амжилт тогтоосон үйл явдал болжээ.
Товлосон ёсоор бол Сергей Лавров даваа гарагт НҮБ-ын ерөнхий нарийн бичгийн дарга Антонио Гутерриштэй уулзах бөгөөд уулзалтын дараагаар тэр НҮБ-ын Аюулгүйн Зөвлөлийн уулзалтад оролцох юм.
Үйл явдлын хүрээнд ТАСС мэдээллийн агентлагаас мэдээлснээр ноён Лавров тус уулзалтад АНУ-ын Төрийн нарийн бичгийн дарга Энтони Блинкен болон өөр хэд хэдэн орны өндөр албан тушаалтнуудыг урьсан гэнэ. Гэвч одоогийн байдлаар уулзалтад тэдгээр эрхмүүд оролцох эсэх ямар ч мэдээлэл үгүй ажээ.
Эх сурвалж: ТАСС
