2022 оны 3-р сарын 09-ний өдөр Украины Мариуполь хотод Оросын агаарын довтолгооны үеэр бэртэж гэмтсэн 32 настай жирэмсэн эмэгтэй Ирина Калининаг шилжүүлж буй нь
Украины Мариуполь хотын Амаржих газраас Оросын цэргүүдийн галын дор шархадсан жирэмсэн эмэгтэйг нүүлгэн шилжүүлж буй гэрэл зураг "World Press Photo" шагналыг хүртжээ. Тэрээр "Оны шилдэг гэрэл зураг" номинацид тэргүүн байранд шалгарсан байна.
Уг зургийг "Associated Press"-ийн гэрэл зурагчин Евгений Малолетка 2022 оны гуравдугаар сарын 9-нд авсан байна.
Зурган дээрх эмэгтэй 32 настай Ирина Калинина хүүхдээ төрүүлснээс хойш хагас цагийн дараа гэмтлээсээ болж нас баржээ. Гэр бүлүүд төрөх хүүхдээ Мирон гэж нэрлэхээр төлөвлөж байсан ч эхийнхээ гэмтлээс шалтгаалж хүү амьгүй төржээ.
Эхэндээ Оросын хэвлэл мэдээллийн хэрэгслүүд болон албаны хүмүүс энэ зургийг зохиомлоор авсан гэж мэдэгдэж байсан бол сүүлдээ Мариуполь хотын бөмбөгдөлтөд Оросын арми оролцсоныг үгүйсгэсэн юм.
Эх сурвалж: ВВС
