Твиттер платформ баталгаажсан хэрэглэгчийн тэмдгээ сарын 7 ам.доллароор үнэлэх болсноор энэ пүрэв гарагаас эхлэн төлбөрөө төлөөгүй хэрэглэгчдийнхээ тэмдгийг түдгэлзүүлэх болжээ.
Улмаар олны танил эрхмүүд ар араасаа баталгаажсан хэрэглэгчийн тэмдгээ алдаж, “их цэвэрлэгээ” дуучин Бейонсе, пап лам Франсис нарыг ч тойроогүй байна.
Тийнхүү хэрэглэгчид баталгаажсан хэрэглэгчийн цэнхэр тэмдгээ эргүүлэн авахыг хүсвэл жилийн 84 ам.доллар төлөх хэрэгтэй болжээ.
Твиттерийн хувьд 2009 онд баталгаажсан хэрэглэгчийн цэнхэр тэмдгийг системд нэвтрүүлсэн бөгөөд тухайн мөчөөс хойш цэнхэр тэмдэг эзэмших нь тодорхой хэмжээний эрх мэдлийн бэлгэ тэмдэг болсон юм.
Гэвч “их цэвэрлэгээ” эхэлснээс хойш асуудал үүсэж эхэлсэн нь АНУ-ын сенат асан Хилари Клинтонтой ижил нэр, зурагтай хаягаас ирэх ерөнхийлөгчийн сонгуульд өрсөлдөхөө зарлаж, худал мэдээлэл түгээн хүмүүсийг төөрөгдүүлсэн байна.
Эх сурвалж: BBC
