Өдгөө 77 настай Толедо 2001-2006 онд Перугийн ерөнхийлөгчийн албан тушаал хашиж байхдаа Бразилийн барилгын компаниас 20 сая долларын авлига авсан хэрэгт буруутгагдаж байгаа юм.
Хэдэн жилийн өмнө тэрээр АНУ руу зугтан гарсан боловч Перугийн хүсэлтээр АНУ-ын эрх баригчид баривчилжээ.
Перугийн эрх баригчид Толедог Бразилийн барилгын компани "Odebrecht" компаниас гэрээ байгуулахын тулд олон сая доллар авсан гэж мэдэгдээд байгаа юм.
2018 оны тавдугаар сард Толедог шилжүүлэн өгөх хүсэлтийг АНУ-д гаргасан бөгөөд Перугийн прокурорууд экс ерөнхийлөгчид 20 жилийн хорих ял оноохоор төлөвлөж байгаа юм.
Алехандро Толедо анх 2019 онд Калифорнид баривчлагджээ. Гэсэн хэдий ч 2020 онд түүнийг батлан даалтад гаргаж, хөлөнд нь цахим гав зүүж гэрийн хорионд оруулсан.
Энэ долоо хоногт экс ерөнхийлөгчийн өмгөөлөгчид түүнийг шилжүүлэн өгөхийг хойшлуулах хүсэлт гаргасан ч амжилт олоогүй юм. Өмгөөлөгчид нь түүнийг Перу руу буцвал амь насанд нь аюул учирна гэж мэдэгджээ.
Харин Толедо өөрийг нь буруутгаж байгаа нь улс төрийн зорилготой гэж үзэж байна. Гэсэн хэдий ч АНУ-ын Калифорнийн хойд дүүргийн дүүргийн шүүхийн шүүгч Толедог хуйвалдаан, мөнгө угаах гэмт хэрэгт холбогдсон гэж үзэх хангалттай нотлох баримт байгаа гэж үзжээ.
Эх сурвалж: ВВС
