Мексик улс ерөнхийлөгчийн зориулалттай "Боинг 787" онгоцоо Тажикстанд 92 сая доллараар худалдлаа. Арилжаанаас олсон орлогоо эмнэлэг барихад зарцуулна гэж Мексикийн ерөнхийлөгч Андрес Мануэль Лопез Обрадор мэдэгдэв.
“Ерөнхийлөгчийн онгоцыг худалдах гэрээ өнөөдөр байгуулагдсаныг би Мексикийн ард түмэнд мэдэгдэж байна. Тажикистаны Засгийн газар 1,658,684,400 песо (92 сая гаруй доллар) шилжүүлсэн... Энэ мөнгийг хоёр эмнэлэг барихад зарцуулна” гэж тус улсын Ерөнхийлөгч твиттер хуудсандаа бичжээ.
"AP News"-ийн мэдээлснээр, Лопез Обрадор 2018 оны арванхоёрдугаар сарын 1-нд албан тушаалаа авмагцаа Ерөнхийлөгчийн онгоцыг хэт тансаг гэж үзэн ашиглахаас татгалзсан байна. Ерөнхийлөгч ихэвчлэн арилжааны онгоцоор нислэг хийдэг.
Бараг 4.5 жилийн турш Обрадор тусгай нисэх онгоцоо зарах гэж оролдсон боловч хэн ч үүнийг хүсээгүй байна.
Уг онгоцыг өмнөх Ерөнхийлөгч асан Энрике Пенья Ньетод зориулан 200 сая доллараар худалдаж авсан гэх мэдээлэл бий.
Уг онгоц нь 80 хүнд зориулагдсан бөгөөд хувийн ариун цэврийн өрөө бүхий ерөнхийлөгчийн иж бүрэн люкстэй юм.
Обрадор уг онгоцыг ердийн 300 зорчигчийн багтаамжтай нисэх онгоц болгон өөрчлөхийг хүссэн ч шинжээчид энэ нь маш үнэтэй байх болно гэсэн учир өнөөг хүртэл худалдаж борлуулахаар хичээж байжээ.
Эх сурвалж: centralasiamedia
