Кейс: Охин 15 нас хүртлээ айлын ганц бөгөөд хоёр талдаа гал дээр гарсан зээ, ач охин бөлгөө. 3 айл дамжин эрхлэх ба түүнтэй байр суурь булаалдах нэг ч хүүхэд байхгүй. Хувцасны сайныг өмсөж, идээний дээдийг л иднэ. Газар дээр бараг л гишгэж үзээгүй гэхэд хилсдэхгүй.
Түүний үг үйлдэл хууль. Хоёр талын эмээ өвөө эрхлүүлнэ гэж туйлгүй. Бас зээ/ ач охиноо биенээсээ харамлана.
-Хүүхэд хэт их нандин байхын хэрээр муйхар, зөрүүд, залхуу, давруу, юмханаар юм хийж мэдэхгүй, цамаан байхаас гадна томчууд өөрт нь үйлчилж байх ёстой мэтээр аашлана.
-Маш олон томчуудын дунд өссөн тул хов яримтгай, хэрэгт дурламтгай, наснаасаа давсан хэт хөгшин яриатай.
Бие даалгаж, амьдралын зах зухаас зааж сургаагүй тул хүүхэд өвөө эмээ аав ээжээсээ бүрэн хамааралтай болдог. Үргэлж дагаж явах хорвоо биш тул охин тэднээс өөрийгөө тусгаар амьдрах цаг ирнэ гэдгийг үл мэдэх аж.
Хүүхдийн хувьд олон зүйл маш бүрхэг.
-Хүүхдээ эрхлүүлэх биш амьдрал зааж өгөх
-Багаас нь хариуцлага хүлээлгэж, гэрийн ажил хийлгэж сургах
-Байгаагаа гамтай хэрэглэхийг заах
-Хүүхдээ нэг талдаа өөрөө хариуцлагатай өсгөх
-Хэт эрхлүүлэхээс татгалзах
-Өөрөө өөрийгөө авч явах байдлаар сургах
-Олон зүйлийг ярилцах тайлбарлах
-Хүүхдээ хүүхэлдэй биш хүн болгож өсгөх
Сэтгэл зүйч Н. Ариун-Эрдэнэ
