НАТО-гийн Ерөнхий нарийн бичгийн дарга Йенс Столтенберг Умард Атлантын эвслийн бүх улс орнууд Украиныг тус эвсэлд нэгдэхийг хүлээн зөвшөөрч байгаа. Гэхдээ хамгийн чухал нь одоо Москватай хийж буй дайнд Киев ялалт байгуулахад хэрхэн яаж туслах вэ гэдэгт гол анхаарлаа хандуулах ёстой цаг үе гэдгийг тодотгов.
Өмнөх өдөр нь Киевт гэнэтийн айлчлал хийсэн Столтенберг баасан гаригийн өглөө Герман дахь Рамштайн нисэх баазад Украиныг хамгаалах холбоо барих бүлгийн хурлын өмнө үг хэлэхдээ ийм мэдэгдэл хийсэн байна.
Киевийг НАТО-д гишүүнээр элсүүлэх асуудлыг зун хэлэлцэж магадгүй гэж өмнө нь мэдээлж байсан ч Украиныг албан ёсоор хүлээн зөвшөөрөх үйл явц нэг сар гаруй үргэлжилж болзошгүй юм.
Столтенберг мөн сэтгүүлчдэд хэлэхдээ, дайн дууссаны дараа Украин "дахин шинэ халдлага гарахаас сэргийлэх" ямар нэгэн хөшүүрэгтэй байх ёстой.
Тодруулахад, Оросын цэргийн командлал Украинд эхлүүлсэн дайны хамгийн гол шалтгааны нэг нь НАТО-г зүүн тийш тэлэхийг эсэрэгүүцэх явдал гэж нэрлэж байгаа юм.
Гэсэн хэдий ч өнгөрсөн оны хоёрдугаар сард Оросын цэргүүд Украинд довтолгоогоо эхэлснээс хойш хийж эхэлснээс хойш өмнө нь төвийг сахисан статустай байсан Швед, Финлянд улс НАТО-д элсэх хүсэлт гаргаж, одоогоор Финлянд улсын гишүүнчлэлийг бүрэн зөвшөөрөөд байгаа юм. Ингэснээр ОХУ НАТО-тай 1340 км хиллэх болж байна.
Финлянд улсыг НАТО-г нэгтгэх албан ёсны үйл явцыг хоёр долоо хоногийн өмнө 4-р сарын 4-нд Брюссель дэх НАТО-гийн төв байранд Финляндын далбааг мандуулснаар хэрэгжээд байгаа юм.
Эх сурвалж: ВВС
