Засгийн газрын хуралдааны шийдвэрийг өнөөдөр /2023.04.19/ танилцуулах үеэр ХЗДХ-ийн сайд Х.Нямбаатар “Шувуу” ажиллагааны хүрээнд шалгагдаж байгаад гадаад руу явсан хүмүүсийг авчирч буй. Зарим нь өөрсдөө ирж байгаа хэмээв. Тэгвэл ээжийгээ эмчлүүлэхээр явсан Ж.Мөнхбатын хувьд эх орондоо иржээ.
Тодруулбал, "УИХ-ын гишүүний бүрэн эрхийг нь түдгэлзүүлээд байгаа Ж.Мөнхбат Сөүл-Улаанбаатарын чиглэлийн нислэгээр гурав хоногийн өмнө эх орондоо ирсэн. Түүний хувьд ээжийгээ гадаадад эмчлүүлнэ гэдгээ мөрдөх байгууллагадаа хэлээд явсан. Тэр хүрээнд буцаж ирээд хэргээ шалгуулж байгаа. Шувуу ажиллагааны талаарх дэлгэрэнгүй мэдээллийг АТГ-ын дэд даргаар шинэчлэгдсэн мэдээлэл өгүүлнэ" хэмээн ХЗДХ-ийн сайд Х.Нямбаатар мэдээллээ.
