Даваа гарагт тэрбумтан Илон Маскийн SpaceX компани хүн төрөлхтний түүхэн дэх хамгийн том пуужингийн системийг хөөргөх туршилтыг хийх гэж буйгаа зарласан билээ.
Төлөвлөгөө ёсоор туршилтыг даваа гарагт Улаанбаатарын цагаар 21:00 цагт хийх байсан юм. Гэвч туршилт эхлэхээс ердөө 15 минутын өмнө SpaceX компани туршилтыг хойшлуулах болсноо зарлажээ. Улмаар туршилтыг дор хаяж 48 цагаар хойшлуулах болсон байна.
Ноён Маскийн зүгээс энэ мэт үйл явдал болж болохыг урьдчилан анхааруулж байсан юм. Учир нь пуужин хөөргөх туршилтууд хойшлогдох нийтлэг үзэгдэл билээ.
Тийнхүү компанийн ажилтан Кэйт Тайсын хэлснээр туршилтыг лхагва гарагт хийж магадгүй гэнэ. Түүний хэлснээр, “Бид [дараачийн оролдлого] яг хэзээ гэдгийг баттай хэлж мэдэхгүй байна” гэжээ.
Эх сурвалж: CNBC
