Sony World Photography Award 2023 гэрэл зургийн уралдаанд хиймэл оюун ухааны бүтээсэн бүтээл тэргүүлжээ. Улмаар тус бүтээлийг уралдаанд илгээсэн ялагчийн зүгээс шагналыг хүлээн авахаас татгалзсан байна.
Германы уран бүтээлч Борис Элдагсены хувьд "Псевдомнези: Цахилгаанчин" гэх нэртэй гэрэл зургаа Sony World Photography Award гэх уралдааны бүтээлч ангилалд илгээсэн юм. Гэвч тэрээр зургийг уралдаанд зүгээр ч нэг илгээгээгүй харин уралдааныг шалгаж, гэрэл зургийн хэтийн ирээдүйг хэлэлцэх хэлэлцүүлгийг эхлүүлэх зорилготой байжээ.
Тийнхүү уралдааны ялагчаар тодорсон хойно Борис өөрийн цахим хуудаснаа, “Би дүрсгүй монш шиг загначихлаа. Миний зургийг шилдэг зургаар сонгож, энэ түүхэн мөчийг бүтээлцсэн шүүгч нартаа баярлалаа.
Гэхдээ та бүхэн тус зургийг хиймэл оюун ухаан бүтээсэн гэж сэжиглэсэн үү?
Хиймэл оюун ухааны бүтээл хийгээд гэрэл зураг хоёр энэ мэт уралдаанд хоорондоо өрсөлдөөд байж болохгүй. Энэ бол хоёр өөр төрөл. Хиймэл оюун ухаан бол гэрэл зураг биш. Тиймээс би энэ шагналыг хүлээн авахгүй.
Энэ зургийг харахад нэг л зүйл болохгүй байгаа мэт байгаа биз? Тэр нь юу гэвэл энэ бол гэрэл зураг биш, нийлэг аргаар гаргасан зураг гэдэг юм” гэж бичжээ.
Эх сурвалж: BBC
